Александра Ле: Қазақстандықтар мықты ғана емес, мерген екенін де дәлелдедік
Опубликовано:
Париж Олимпиадасында Қазақстан қоржынына алғашқы жүлдені салған қос мергеннің бірі Александра Ле елге оралып, жеңісі туралы айтты. Бұл туралы KAZ.NUR.KZ хабарлайды.
Александра Ле мен Ислам Сәтбаев 27 шілдеде 10 метрден нысана көздеуден аралас командалық сында бақ сынап, қола жүлде жеңіп алған еді. Бұл Париж Олимпиадасында Қазақстан қоржынына түскен алғашқы медаль болды.
"Біз әлемге қазақстандықтар мықты ғана емес, мерген екенін де дәлелдедік. Ендігі жоспар – нәтижемізді одан әрі жақсарту. Париж Олимпиадасында біз бүкіл спортшының ішінде алғашқылардың бірі болып сынға түстік. Біздің жүлдеміз біраз уақыт бойы медаль кестесінде бірінші болып тұрды. Сол кезде өзімізді мақтан тұттық, ел сенімін ақтағанымызға қатты қуандық", - деді Александра Ле.
Еске сала кетсек, Қазақстанның спорттық гимнастика және оқ ату құрамасының мүшелері елге оралғанын жазған едік.
- Нариман Құрбанов: Мансабымды жалғастырып, алтын жүлде иеленуге күш саламын
- Париж Олимпиадасында тарихи жүлде алған Нариман Құрбанов пен мергендер Алматыға келді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2145391-aleksandra-le-qazaqstandyqtar-kushti-gana-emes-mergen-ekenin-de-daleldedik/