Париж-2024: балуан Нұрсұлтан Тұрсынов ширек финалға өтті
Опубликовано:
Қазақстандық балуан Нұрсұлтан Тұрсынов Париж Олимпиадасының ширек финалына шықты. Бұл туралы KAZ.NUR.KZ тілшісі хабарлайды.
Грек-рим күресінен 87 кг салмақ дәрежесіндегі бәсекенің 1/8 финалында Нұрсұлтан Тұрсынов мысырлық спортшы Мохаммед Метвалимен күресті. Бұл белдесуде қазақстандық балуан мерзімінен бұрын 10:1 есебімен жеңіске жетті.
Айта кетейік, Нұрсұлтан Тұрсынов 2014 жылғы Азия чемпионы, сондай-ақ құрлықтық біріншіліктің үш дүркін жүлдегері. Ал Мохамед Метвалли Африка құрлығының екі дүркін чемпионы. Тұрсынов Біріккен күрес әлемі ұйымының 87 кг салмақ дәрежесіндегі әлемдік рейтингінде бесінші, ал Метвалли жиырма алтыншы орында тұр.
Бүгін, 7 тамызда қазақстандық балуан Демеу Жадыраев Париж Олимпиадасының финалында Жапония спортшысы Нао Кусакамен кездеседі. Финалдық кезең 21:15-те басталады. Тікелей трансляцияны Qazaqstan телеарнасынан көруге болады.
- Футболшы Томас Мюллердің тұлпары Олимпиада чемпионы атанды
- Париж Олимпиадасы: Бекарыс Раматулла жартылай финалға шыға алмады
Оригинал статьи: https://kaz.nur.kz/sport/olympiad/2145814-parizh-2024-baluan-nursultan-tursynov-shirek-finalga-otti/