"Өте жақсы команда құрдық": Олег Болякин Олимпиадаға іріктеу турниріне дайындық туралы айтты

Шайбалы хоккейден Қазақстан құрамасының бас бапкері Олег Болякин команданың Олимпиадаға іріктеу турниріне дайындығы туралы айтты. Бұл туралы KAZ.NUR.KZ Ұлттық Олимпиадалық комитеттің ресми сайтына сілтеме жасап хабарлайды.

"Біз өте жақсы команда құрдық. Дайындығымыз жақсы. Мүмкіндігіміз де жоғары. Жан-жақтағы ойыншылар түгел жиналып жатыр.

Дайындықтың үш кезеңі жоспарланған. Қазір екіншісін өткеріп жатырмыз. Соңғысы Чехия мен Словакияда өтеді. Сол кезде команданың негізі жасақталады. Әзірге айтарым, біздің мүмкіндігіміз бар", - деді Болякин.

Қазақстан құрамасының іріктеу кезеңіндегі матчтарының кестесі (Астана уақыты бойынша):

29.08 / 17:00

• Қазақстан – Мажарстан;

30.08 / 17:00

• Қазақстан – Аустрия;

01.09 / 21:00

• Словакия – Қазақстан.

Айта кетейік, 2026 жылы қысқы Олимпиада Италияның Милан және Кортина-д’Ампеццо қалаларында 6-22 ақпан аралығында өтеді.

Мәтіннен қате тапсаңыз, бізге жазыңыз