Қазақстандық спортшы Паралимпиаданың алтын жүлдесіне бір табан жақын қалды
Опубликовано:
Париждегі жазғы Паралимпиада ойындарында қазақстандық жүзгіш Әмір Мұратбеков финалдық кезеңге жолдама алды. Бұл туралы KAZ.NUR.KZ тілшісі хабарлайды.
- Қазақстандық жүзгіш Әмір Мұратбеков Парижде өтіп жатқан Паралимпиада ойындарында 100 метрге брасс әдісімен жүзуден финалға шықты.
- Ол SB11 санатында іріктеу сайысында 1:21:66 секунд нәтижесін көрсетті.
- Финалдық жарыс 5 қыркүйекте Астана уақыты бойынша сағат 21:00-де басталады.
Франция астанасы Париждегі жазғы Паралимпиада ойындарында Әмір Мұратбеков 100 метрге брасс әдісімен жүзуден іріктеу кезеңінде өнер көрсетті. SB11 санатында өткен іріктеу сайысында қазақстандық жүзгіш 1:21:66 секунд нәтижесін тіркеді. Әмір Мұратбековтің бұл көрсеткіші оған финалдық кезеңге шығуға мүмкіндік берді.
Финалдық бәсеке бүгін, 5 қыркүйекте Астана уақыты бойынша сағат 21:00-де басталады.
Айта кетейік, Парижде өтіп жатқан жазғы Паралимпиада ойындарында SB3 санаты бойынша бұған дейін сынға түскен қазақстандық жүзгіш Зульфия Габидуллина финалға өте алмаған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2157654-qazaqstandyq-sportshy-paralimpiadanyng-altyn-zhuldesine-bir-taban-zhaqyn-qaldy/