Назым Қызайбай Қарағандыға сұлулар сайысында әділқазы болады
Опубликовано:
Бүгін, 27 қыркүйекте Париж Олимпиадасының қола жүлдегері Назым Қызайбай Қарағанды облысының орталығында сұлулық байқауына қатысады. Бұл туралы KAZ.NUR.KZ хабарлайды.
"Қарағанды аруы" байқауының Instagram желісіндегі ресми парақшасының мәліметінше, Париж Олимпиадасының қола жүлдегері атанған боксшы Назым Қызайбай бұл шарада қалалық байқаудың қазылар алқасы құрамында болады.
Сондай-ақ Қазақстан бокс федерациясының мәліметінше, Назым Қызайбай Қарағандыға келіп, "Мықтылар турнирінің" қатысушыларына кеңес беріп жатыр. Ал бұл турнирге Назым Қызайбайдың қатыспайтыны туралы бокстан Қазақстанның әйелдер құрамасының бас бапкері Елдос Сайдалин айтқан еді.
Еске салайық, Назым Қызайбай Париж Олимпиадасының жартылай финалында Қытай спортшысы Ву Юдан жеңіліп, қола жүлде иеленген еді. Қазақстандық боксшы 12 тамызда елге оралды.
Оригинал статьи: https://kaz.nur.kz/sport/olympiad/2166742-nazym-qyzaibai-qaragandy-aruy-baiqauyna-qatysady/