Париж Олимпиадасының күміс жүлдегері Нариман Құрбанов Instagram желісіндегі ресми парақшасында қуанышты жаңалығын бөлісті. Бұл туралы KAZ.NUR.KZ хабарлайды.
Белгілі гимнастшы, Париж Олимпиадасының күміс жүлдегері Нариман Құрбановқа "Қазақстан Республикасының еңбек сіңірген спорт шебері" атағы табысталды. Сүйінші жаңалықты спортшы Instagram желісіндегі ресми парақшасында жариялады.
Айта кетейік, Нариман Құрбанов Париж Олимпиадасында тұтқалы ат жаттығуының ақтық кезеңінде 15,433 ұпай жинап, екінші орын алған болатын. Осылайша ол спорттық гимнастикадан Олимпиада ойындарында жүлде иеленген тұңғыш қазақстандық спортшы атанды.
Сондай-ақ Нариман Құрбанов сайтымыздың тілшісіне берген сұқбатында Олимпиадада жасаған ерекше элементі, еліміздегі спорттық гимнастиканың дамуы турасында кеңінен айтқан болатын.
Мақаланың түпнұсқасы: https://kaz.nur.kz/sport/olympiad/2195655-olimpiadanyng-kumis-zhuldegeri-nariman-qurbanov-quanyshty-zhangalygyn-bolisti-foto/
