Шымкенттік полицей джиу-джитсудан өткен әлем чемпионатында үздік атанды (фото)
Опубликовано:
27 қараша және 2 желтоқсан аралығында Польшаның Миколув қаласында СOMBAT JU-JITsu бойынша әлем чемпионаты өтті. Байрақты бәсекеде Шымкент қаласы ПД Оқу-жаттығу взводының инспекторы полиция аға лейтенанты Маханбет Нұржан үздік атанды, деп хабарлайды KAZ.NUR.KZ.
Қалалық ПД Instagram-дағы мәліметіне сүйенсек, халықаралық жарысқа 32 елден 860 спортшы қатысып, өзара шеберлік көрсеткен. Әлемнің түкпір-түкпірінен келген спортшылар арасында бәсекелестік жоғары болған.
Қазақстан атынан Шымкент қаласы ПД Оқу-жаттығу взводының инспекторы полиция аға лейтенанты Маханбет Нұржан сынға түскен. Байрақты бәсекеде шымкенттік полицей үздік екенін дәлелдеп, жүлделі 1 орынға ие болды.
"Бұл жеңіс – Маханбет Нұржанның спорттық мансабындағы үлкен жетістіктерінің бірі ғана емес, Қазақстандағы джиу-джитсу спортының беделін халықаралық деңгейде көтеруге қосқан маңызды үлесі",- делінген ПД хабарламасында.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2195906-shymkenttik-politsei-dzhiu-dzhitsudan-otken-alem-chempionatynda-uzdik-atandy/