2024 жылдың жазында Парижде өткен Олимпиадада алтын медаль жеңіп алған боксшы Хасанбой Дусматов жыл қорытындысы бойынша Өзбекстанның ең үздік спортшысы деп танылды. Бұл туралы KAZ.NUR.KZ uzdaily.uz сайтына сілтеме жасап хабарлайды.
2024 жылғы Ұлттық спорт сыйлығының марапаттау рәсімі Ташкент қаласында, Олимпиада және Паралимпиада даңқы мұражайында өтті. Іс-шараның басында әлем чемпионаттарында жоғары нәтижелерге қол жеткізген спортшыларға Президенттің шешімімен бір реттік ақшалай сыйақы табысталды.
Биыл марапаттар спортты дамытуға елеулі үлес қосқан танымал спортшыларға, жаттықтырушыларға және командаларға берілді. Сонымен қатар Өзбекстан ұлттық құрамасының және Францияның "Ланс" клубының қорғаушысы Абдуқодир Хусанов жылдың ең үздік жас спортшысы атанды.
Айта кетейік, екі дүркін Олимпиада чемпионы, өзбекстандық боксшы Хасанбой Дусматов үшінші Олимпиада алтынын, кәсіпқой бокстан әлем чемпионы белбеуін жеңіп алуды жоспарлап отырғанын айтқан еді.
Мақаланың түпнұсқасы: https://kaz.nur.kz/sport/olympiad/2204063-ozbekstandyq-boksshy-hasanboi-dusmatov-zhyldyng-eng-uzdik-sportshysy-atandy/
