Париж Олимпиадасының қола жүлдегері Назым Қызайбай Қазақстан чемпионы атанды. Бұл туралы KAZ.NUR.KZ Қазақстан бокс федерациясының баспасөз қызметіне сілтеме жасап хабарлайды.
Алматы қаласы атынан сынға түсіп жатқан Назым Қызайбай 48 кг дейінгі салмақ дәрежесіндегі финалда Қызылорда облысының боксшысы Ақбота Болатқа қарсы кездесу өткізуі керек болған. Алайда қарсыласының жарақат алып қалуына байланысты Назым Қызайбай бокстан Қазақстан чемпионы атанды.
Қазіргі таңда Назым Қызайбай – бокстан Қазақстан әйелдер құрамасының капитаны.
Сондай-ақ Төрехан Сабырхан финалдағы қарсыласының жарақат алып қалуына байланысты бокстан Қазақстан чемпионы атанды.
Айта кетейік, Назым Қызайбай биыл жазда өткен Париж Олимпиадасының қола жүлдесін жеңіп алған еді.
Мақаланың түпнұсқасы: https://kaz.nur.kz/sport/olympiad/2204109-nazym-qyzaibai-finaldyq-zhekpe-zhegin-otkizbei-aq-qazaqstan-chempionatyn-zhengip-aldy/
