Мәреге ең соңғы болып келген мексикалық шаңғышыны жұрт төбесіне көтерді (фото, видео)

Оңтүстік Кореядағы Пхенчхан қаласында өтіп жатқан қысқы Олимпиада ойындарында мәреге ең соңғы болып жеткен мексикалық шаңғышыны жұрт төбесіне көтерді деп хабарлайды NUR.KZ.

Бұл қызықты жайт туралы әлемдік БАҚ жарыса жазуда. Оны тіпті өз қарсыластары да үлкен құрметпен қарсы алған. Ең соңғы келген спортшыны ел неліктен төбесіне көтерді?

Себебі, 166 шаңғышының ішінде ең соңғы болып жеткен 43 жастағы спортшы бұл спорт түрін бір жыл бұрын ғана үйренген екен.

Сайыста жеңімпаз атанған Дарио Колонья одан 26 минутқа ғана ерте келген. Перуандық шаңғышы Роберто Карселаненың өнеріне қатты қызыққан Герман шаңғы спортында өзін алғаш рет сынап отыр.

Мадрасо 15 км қашықтықты ең соңғы болып аяқтаса да, бүкіл ел оның жетістігіне тәнті болып, төбесіне көтерді.

Осылайша, мексикалық шаңғышы медаль алмаса да, елдің қошеметіне ие болды.