Илья Ильин денсаулығының қаншалықты нашарлап кеткенін айтып берді (видео)

Қазақстандық ауыр атлетші Илья Ильин жанкүйерлеріне денсаулығындағы жайсыздықтар туралы айтып бері. Бүгін ол томографиялық тексеруден өтіп, ағзасындағы мәселелермен толық танысқан деп хабарлайды NUR.KZ.

Спортшы бұл ақпаратты өзінің Instagram парақшасында бөліскен.

"Бірнеше протрузия мен омыртқамда екі жарық (грыжа) бар екен. Біреуі кішкентай, екіншісі жұлынды қысып тұр", - дейді Ильин.

Чемпионның сөзінше, осының кесірінен ол жаттығу кезінде түрлі жайсыздықтар сезінетін болған. Енді ол ертеңнен бастап ем-дом шараларына кірісетінін жеткізді.

Қажет болған жағдайда Түркия немесе Германия елдеріндегі медиициналық қызметке жүгінемін дейді.

Айтуынша, денсаулығындағы қиындықтар 2015 жылы байқала бастаған. Ол кезде аяғында жарық (грыжа) барын біліпті. Алайда Илья оны елеместен спортпен шұғылданып, әлемдік рекорд орнатуға бел шеше кіріскен.

Ильин өзінің толық емделіп кетуіне бірнеше ай керек екенін айтуда, содан кейін ғана жаттығуларын қайта бастайды екен.

Еске салсақ, зілтемірші бірнеше күн бұрын денсаулық жағдайына байланысты әлем чемпионатына қатысудан бас тартқанын хабарлаған болатынбыз.

Мәтіннен қате тапсаңыз, бізге жазыңыз