Таэквондо: Қазақстандықтар Әлем Кубогінде 4 алтын, 2 күміс, 2 қола медаль жеңіп алды

Таэквондодан Қазақстан құрамасы Әлем Кубогінде 4 алтын, 2 күміс, 2 қола медаль жеңіп алды, деп жазады KAZ.NUR.KZ тілшісі Спортты дамыту дирекциясының баспасөз қызметіне сілтеме жасап.

Грузия астанасы Тбилиси қаласында жастар мен ересектер арасында GTF таэквон-додан Әлем Кубогі өз мәресіне жетті. Нәтижесінде Қазақстан құрамасы төрт алтын, екі күміс, 2 қола медальмен оралды.

Айта кетейік, дүбірлі додаға 27 елден 337 спортшы қатысты.

Жарыс қорытындысы келесідей:

Бірінші - Аманжан Бақытжанов, 58 келіге дейінгі салмақта,

Бірінші орын - Әділбек Лекеров, 64 келіге дейінгі салмақта,

Бірінші орын - Нұрғиса Іздібай, 70 келіге дейінгі салмақта,

Бірінші орын - Данил Смирнов, 76 келіден жоғары салмақта,

Екінші орын - Нұрхан Сахиев, 76 келіге дейінгі салмақта,

Екінші орын - Нұржан Мазбулов, 76 кг жоғары,

Үшінші орын - Назерке Мухамбедиева,

Үшінші орын - Ардақ Шинтаева.