Дэвис кубогы матчына қатысатын Қазақстан құрамасы белгілі болды

Теннистен Қазақстан ерлер құрамасы Чилимен Дэвис кубогінің іріктеу матчын өткізеді, деп хабарлайды KAZ.NUR.KZ тілшісі Қазақстанның теннис федерациясына сілтеме жасап.

Матч сырт алаңда 4-5 ақпанда өтеді деп жоспарланып отыр.

Федерация ұсынған ақпаратқа сәйкес, Юрий Щукин бастаған бапкерлер штабы Чилиге қарсы өнер көрсететін құраманы анықтады.

Ел намысын қорғайтын теннисшілер:

• Александр Бублик (ATP рейтингісінде 36-орында),
• Тимофей Скатов (124, ATP),
• Михаил Кукушкин (195, ATP),
• Андрей Голубев (49, ATP жұптық рейтингісі),
• Александр Недовесов (55, ATP жұптық рейтингісі).

Матч жеңімпазы Дэвис кубогының финалдық кезеңіне жолдама алады.

Мәтіннен қате тапсаңыз, бізге жазыңыз