Australian Open-2023: Тимофей Скатов іріктеу сайысын жеңіспен бастады

Қазақстандық Тимофей Скатов Аустралия ашық чемпионатының іріктеу сайысын жеңіспен бастады, деп хабарлайды KAZ.NUR.KZ тілшісі Қазақстанның теннис федерациясының баспасөз қызметіне сілтеме жасап.

Әлемнің 144-ракеткасы Тимофей алғашқы айналымда дүниежүзілік рейтингте 215-орында тұрған америкалық Николас Морено де Альборанмен кездесіп, қарсыласынан айласын асырды (6:3, 6:4).

Енді отандық спортшы іріктеу сайысының финалына шығу үшін әлемнің 155-ракеткасы, чилилік Николас Харримен ойнамақ.

Айта кетейік, тағы бір қазақстандық, рейтингте 195-орындағы Михаил Кукушкин іріктеу сайысындағы алғашқы кездесуін әлемнің 157-ракеткасы, аустралиялық Джеймс Даквортпен өткізеді.

Мәтіннен қате тапсаңыз, бізге жазыңыз