Қазақстанның екінші ракеткасы Чилидегі турнирдің ширек финалына шықты

Қазақстанның екінші, әлемнің 144-ракеткасы Тимофей Скатов Чилидің Консепсьон қаласында өтіп жатқан челленджер турнирінің ширек финалына шықты, деп хабарлайды KAZ.NUR.KZ тілшісі Қазақстанның теннис федерациясына сілтеме жасап.

Осы жарыстың 8-ракеткасы болып тіркелген Петропавл теннисінің түлегі екінші айналымда дүниежүзілік рейтингте 260-орында тұрған колумбиялық Николас Мехиямен шеберлік байқасты.

Матчта Тимофей Скатов қарсыласынан 6:2, 6:2 есебімен басым түсті.

Енді отандық теннисші жартылай финалға шығу үшін әлемнің 102-інші, турнирдің 2-ракеткасы, чилилік Алехандро Табиломен кездеседі.

Мәтіннен қате тапсаңыз, бізге жазыңыз