Отандық теннисшілер Үндістандағы турнирдің финалына шықты

Жібек Құламбаева мен Гөзал Айнитдинова жұптық сында Үндістанның Пуна қаласында өтіп жатқан ITF W40 турнирінің финалына шықты, деп хабарлайды ҚазАқпарат.

Қазақстандық дуэт жартылай финалда жарыстың екінші ракеткалары, үндістандық Рутуя Бхосале – ресейлік Екатерина Яшинамен шеберлік байқасты.

Тартысты өткен матчта Құламбаева мен Айнитдинова 6:4, 2:6, 10:5 есебімен жеңіске жетті.

Енді қазақстандық жұп соңғы бәсекеде доданың бірінші ракеткалары, үндістандық Анкита Райна – Прантхана Тхомбаремен бас жүлдені сарапқа салады.

Мәтіннен қате тапсаңыз, бізге жазыңыз