Қазақстанның екінші, әлемнің 44-ракеткасы Юлия Путинцева Таиландтың Хуахин қаласындағы WTA турнирінің екінші айналымына шыға алмады, деп хабарлайды ҚазАқпарат.
Жарыстың екінші ракеткасы болып тіркелген қазақстандық теннисші алғашқы айналымда дүниежүзілік рейтингте 160-орында тұрған ұлыбританиялық Хитер Уотсонмен шеберлік байқасты.
Тартысты өткен матчта 7:5, 4:6, 5:7 есебімен Юлия Путинцева қарсыласына есе жіберді.
Айта кетейік, жүлде қоры 259 мыңнан астам АҚШ долларына бағаланған дода 5 ақпанда мәреге жетеді.
Мақаланың түпнұсқасы: https://kaz.nur.kz/sport/other-sports/2007513-yuliya-putinceva-tailandtagy-wta-zarysynda-zenilip-qaldy/