Қазақстанның бірінші, әлемнің 10-ракеткасы Елена Рыбакина Америка Құрама штаттарында өтіп жатқан Индиан-Уэллс WTA 1000 турнирінің келесі кезеңіне жолдама алды, деп хабарлайды KAZ.NUR.KZ тілшісі.
Отандық теннисші турнирдің үшінші айналымында әлемнің 22-ракеткасы, испаниялық Паула Бадосамен шеберлік байқасты.
1 сағат 36 минутқа созылған ойында Елена Рыбакина қарсыласын еш қиындықсыз ұтты. Есеп: 6:3, 7:5.
Осылайша, қазақстандық спортшы Индиан-Уэллс WTA 1000 турнирінің 1/8 финалына жолдама алып отыр.
Енді Елена Рыбакина жүлде қоры 8,8 млн АҚШ долларына бағаланған жарыстың ширек финалына шығу үшін ресейліктер Дарья Касаткина немесе Варвара Грачеваның біреуімен кездеседі.
Айта кетейік, Паула Бадоса - WTA ұйымдастырған үш ірі турнирдің жеңімпазы және әлемнің бұрынғы екінші ракеткасы.
Мақаланың түпнұсқасы: https://kaz.nur.kz/sport/other-sports/2012806-rybakina-alemnin-buryngy-ekinsi-raketkasyn-es-qiyndyqsyz-utty/
