Қазақстанның бірінші, әлемнің 10-ракеткасы Елена Рыбакина Америка Құрама штаттарында өтіп жатқан Индиан-Уэллс WTA 1000 турнирінің ширек финалынан сүрінбей өтті, деп хабарлайды KAZ.NUR.KZ тілшісі.
Отандық теннисші турнирдің ширек финалында әлемнің 76-ракеткасы, чехиялық Каролина Муховамен шеберлік байқасты.
Үш сетке жалғасқан ойында Елена Рыбакина қарсыласын 7:6(7:4), 2:6, 6:4 есебімен ұтты.
Осылайша, қазақстандық спортшы мансабында алғаш рет Индиан-Уэллс WTA 1000 турнирінің жартылай финалына шығып отыр.
Енді Елена Рыбакина финалға шығу үшін әлемнің 1-ракеткасы, Польша өкілі Ига Швентекпен кездеседі. Матч 18 наурыз күні болады деп жоспарлануда.
Мақаланың түпнұсқасы: https://kaz.nur.kz/sport/other-sports/2013264-rybakina-indian-uells-masters-turnirinin-zartylai-finalyna-syqty/
