Делидегі Гран-приде Бибісара Асаубаеваның нәтижесі қандай

Үндістан астанасы Делиде шахматтан әйелдер арасындағы Гран-приде қазақстандық Бибісара Асаубаева екінші орында тұр, деп жазады Спортты дамыту дирекциясы.

Жарыстың бесінші күні Бибісара Асаубаева жерлігілікті шахматшы Харика Дронаваллимен ойнап, жеңіске жетті. Бұл Бибісара мен Хариканың 5-кездесуі. Осыған дейін қарсыластар бір-бірін 2 мәрте ұтқан.

Қазіргі уақытта Бибісараның еншісінде 3 жеңіс бар. Блиц шахматтан екі дүркін әлем чемпионы алдыңғы, 4-турда Александра Горячкинаға есе жіберген.

Ал қытайлық Жу Цзинер фавориттердің бірі ресейлік Катерина Лагнодан айласын асырып, көш басына шықты. Оның еншісінде 3½ ұпай бар. Бесінші турға Полина Шувалова мен Александра Горячкина қатыспай, демалыс алды.

Мәтіннен қате тапсаңыз, бізге жазыңыз