Аустрияның Инсбрук қаласында таеквондодан G1 санатындағы Austrian Open халықаралық турнирі аяқталды. Байрақты бәсекеде Қазақстан ұлттық құрамасы 5 алтын, 5 күміс, 5 қола жүлдеге қол жеткізді, деп хабарлайды KAZ.NUR.KZ тілшісі Спортты дамыту дирекциясына сілтеме жасап.
Турнирде ел қоржынына алтын медаль салған спортшылардың арасында Жавохирхон Исламов (54 келі), Бауыржан Хасенов (+87 келі), Рита Бакишева (46 келі), Ботагөз Қапанова (49 келі), Азиза Караджанова (53 келі) бар.
Күміс жүлдегерлер: Темірлан Тілеулес (54 келі), Самирхон Абабакиров (58 келі), Эльдар Бірімбай (68 келі), Нұрқанат Қожахмет (74 келі), Нұрлан Мырзабаев (80 келі);
Қола жүлдегерлер: Ерасыл Нұрхан, Самат Темірхан (54 келі), Бегжан Нүснәлім (74 келі), Айдана Құмартаева (46 келі), Нодира Ахмедова (49 келі):
Айта кетейік, таеквондода рейтингі ең жоғары бәсеке Олимпиада ойындары (G20) саналады. Одан кейін әлем чемпионаты (G14), Гран-придің финалы (G10) мен Гран-при санатындағы жарыстар (G6). Ал GP Challenge және World Military Champions санатындағы бәсекелердің рейтингі төмен (G1).
Мақаланың түпнұсқасы: https://kaz.nur.kz/sport/other-sports/2015138-austrian-open-turnirinde-otandyq-sportsylar-15-medal-zenip-aldy/
