Қазақстандық теннисшілердің әлемдік рейтингтегі орны анықталды, деп хабарлайды KAZ.NUR.KZ тілшісі Қазақстанның теннис федерациясының ресми сайтына сілтеме жасап.
Қазақстанның бірінші ракеткасы Александр Бублик 48-ден 56-ға сырғыса, Тимофей Скатов 155-тен 144-ке көтерілді. Денис Евсеев те жағдайын жақсартты, ол 302-орынға жайғасты. Бейбіт Жұқаев 343-тен бірден 315-ке жоғарылады.
Жұптық сында Андрей Голубев 68, Александр Недовесов 70-сатыда тұр.
Әйелдер арасында Юлия Путинцева 47, Жібек Құламбаева 441, Гөзал Айнитдинова 450-сатыда келеді.
Жұптық сында Анна Данилина 27-орнын сақтады.
Еске сала кетейік, бұған дейін Елена Рыбакинаның жаңартылған рейтингте жетінші орнын сақтап қалғанын жазған едік.
Мақаланың түпнұсқасы: https://kaz.nur.kz/sport/other-sports/2015228-qazaqstannyn-birinsi-raketkasy-uzdik-50-tennissinin-arasynan-sygyp-qaldy/
