Top.Mail.Ru
Спорт

Сайт нұсқасы

ru kz

Зектілері

Делидегі гран-при аяқталды: Бибісара Асаубаева жеңімпаз атанды ма

Опубликовано:

шахматшы
Бибісара Асаубаева. Фото: Спортты дамыту дирекциясы

Шахматтан Делиде өтіп жатқан әйелдер арасындағы ФИДЕ Гран-приінің 3-кезеңі аяқталды, деп хабарлайды Спортты дамыту дирекциясының баспасөз қызметі.

Соңғы турға дейін көш бастап келе жатқан Бибісара Асаубаева 3-кезеңді екінші орынмен аяқтады.

Отандық шахматшы шешуші 11-турда Катерина Лагномен тең түсіп, 6 ұпай жинады.

Сонымен қатар қытайлық Чжу Цзинер мен ресейлік Александра Горячкина да тең ойнап, 6 баллға қол жеткізді.

"Үш шахматшының еншісінде бірдей балл. Бибісара жекелеген көрсеткіш бойынша 2-орын алды. Ал бұл кезеңде ресейлік гроссмейстер Александра Горячкина тай-брейк бойынша жеңіске жетті.

Бірдей ұпай жинаған 3 ойыншы 37 мың еуро сыйақы мен 400 ұпайды бірдей бөліседі", - делінген хабарламада.

Айта кетейік, Гран-придің шешуші 4-кезеңі Кипр астанасы Никосияда 15-28 мамыр күндері өтеді. Бибісара Асаубаева бұл кезеңге шақырту алған 12 шахматшының арасында бар.

Мақаланың түпнұсқасы: https://kaz.nur.kz/sport/other-sports/2015637-delidegi-gran-pri-ayaqtaldy-bibisara-asaubaeva-zenimpaz-atandy-ma/