Жәмила Бақбергенова қатарынан екінші рет Азия чемпионатының финалына шықты

Күрес түрлерінен Астанада өтіп жатқан Азия чемпионатында тағы бір қазақ балуаны ақтық сынға өтті. 72 келідегі Жәмила Бақбергенова құрлық сынының алтынына таласады, деп хабарлайды KAZ.NUR.KZ.

Бақбергенова турнир барысында Қытайлық Тайпей және Моңғолия спортшыларын ірі есеппен ұтты.

Финалда Жәмила өзінің байырғы қарсыласы, жапониялық Сумире Никорамен кездеседі. Тап осы балуанмен Бақбергенова былтырғы Азия чемпионатының финалында күресіп, жеңіске жеткен болатын.

Одан бөлек, бүгін Альбина Қайыргелдинова 65 келі салмақта қола медальға таласады. Оның қарсыласы - үндістандық Маниша Маниша.

Айта кетелік, Қазақстан әйелдер құрамасы сапынан кеше Эльмира Сыздықова екі дүркін Азия чемпионы атанды.

Марина Седнева мен Елена Шалыгинаның еншісінде қола жүлде бар.

Мәтіннен қате тапсаңыз, бізге жазыңыз