Қазақстанның бірінші ракеткасы Елена Рыбакина Билли Джин Кинг кубогының (командалық әлем чемпионаты) іріктеу кезеңінде жеңіске жетті, деп хабарлайды KAZ.NUR.KZ тілшісі.
Отандық теннисші іріктеу кезеңінде әлемдік рейтингте 253-сатыда тұрған Польша өкілі Вероника Фальковскамен шеберлік байқасты. Тартысты өткен ойында Елена Рыбакина қарсыласын 6:3, 6:4 есебімен жеңді.
Қос теннисші арасындағы матч бір сағат жиырма төрт минутқа созылды.
Бұл - Билли Джин Кинг кубогының (командалық әлем чемпионаты) іріктеу кезеңіндегі Қазақстан құрамасының екінші жеңісі.
Осыған дейін Юлия Путинцева дүниежүзілік рейтингте 19-орында тұрған Магда Линеттен басым түскен еді.
Мақаланың түпнұсқасы: https://kaz.nur.kz/sport/other-sports/2016836-rybakina-alem-cempionatyna-irikteude-qazaqstan-quramasyna-ekinsi-upaidy-alyp-keldi/
