"Қайсардың" жартылай қорғаушысы, белоруссиялық Дмитрий Бородин Қызылорда қаласындағы ауа райына қатысты ойын айтты, деп хабарлайды Meta Ratings.kz.
Футболшы "Ордабасыдан" ауысып келген.
"Маған бұл жақтың ыстығы туралы айтқан. Бірақ қатты желі барын айтуды ұмытып кетіпті. Мен Қызылордаға әйелім мен қызымды ертіп келдім. Өткен жылы төрт ай бойы алыста жүрген соң, маған қандай қала екені маңызды болған жоқ. Бастысы - бірге болу. Оның үстіне біз жақсы орналасып алдық. Жақсы ауданнан жақсы пәтер таптық. Сондықтан бізде бәрі жақсы", - деді Бородин.
Айта кетелік, белоруссиялық жартылай қорғаушы Дмитрий Бородин қыстағы маусымаралық үзілісте "Қайсар" сапына ауысқан болатын.
Мақаланың түпнұсқасы: https://kaz.nur.kz/sport/other-sports/2017293-zaqsy-ornalastyq-belarus-oiynsysy-qyzylordanyn-ystygy-men-zeline-qatysty-oiyn-aitty/
