Қазақстанның бірінші, әлемнің 55-ракеткасы Александр Бублик Мадрид мастерс турнирінің екінші айналымына шықты, деп хабарлайды Қазақстанның теннис федерациясы.
Отандық теннисші алғашқы кездесуде дүниежүзілік рейтингте 100-орында тұрған колумбиялық Даниэль Элаи Галанмен шеберлік байқасты.
Бірінші партия бір сағаттан астам уақытқа созылып, онда Бублик бесінші сетболын пайдалана алды - 7:6 (17:15).
Екінші сетте колумбиялық спортшы тай-брейкте есе қайырды - 7:6 (7:4).
Үшінші, шешуші партияда Бублик жеңісті жұлып алды (6:4).
Енді Александр Бублик екінші айналымда әлемнің 7-ракеткасы, даниялық Хольгер Рунемен кездеседі.
Мақаланың түпнұсқасы: https://kaz.nur.kz/sport/other-sports/2018539-aleksandr-bublik-madrid-turnirinin-ekinsi-ainalymyna-syqty/
