Қазақстанның бірінші ракеткасы Елена Рыбакина жұптық сында Мадрид турнирінің келесі кезеңіне шықты, деп хабарлайды KAZ.NUR.KZ тілшісі.
Отандық теннисші Ресей спортшысы Анастасия Павлюченкомен бірге алғашқы айналымда жапондық спортшылар Сюко Аояма - Ена Шибахарамен шеберлік байқасты.
50 минутқа созылған ойында Елена Рыбакина мен ресейлік теннисші 6:0, 6:1 есебімен қарсыластарынан басым түсті.
Осылайша, Қазақстанның бірінші ракеткасы және Анастасия Павлюченко Мадрид турнирінің келесі айналымына шықты.
Мақаланың түпнұсқасы: https://kaz.nur.kz/sport/other-sports/2018578-elena-rybakina-zuptyq-synda-madrid-turnirinin-kelesi-ainalymyna-syqty/
