Каратэден Испаниядағы турнирде Қазақстан қоржынына екі жүлде түсті

Испанияның Ла-Корунья қаласында WKF каратэден 21 жасқа дейінгі татами шеберлері арасындағы 1-лигасына кіретін халықаралық турнир өтіп жатыр. Мұнда барлығы 72 елден 2627 спортшы жиналды. Бұл қатарда Қазақстан құрамасының 19 каратэшісі бар, деп жазады Спортты дамыту дирекциясы.

Жарыстың алғашқы күні 8 елдің атлетіне бас жүлде бұйырды. Соның арасында Қазақстанның спортшылары да бар.

Кумитеде 60 келіге дейінгі салмақта сынға түскен Жоламан Биғабыл чемпион атанды. Ал 68 келіде Нұрия Тізімбай қола жүлдеге ие болды.

Қазіргі уақытта жалпы есепте Украина құрамасы көш бастап тұр. Олардың еншісінде 5 алтын медаль бар.

Жарыс 30 сәуірде мәресіне жетеді.

Мәтіннен қате тапсаңыз, бізге жазыңыз