Әлем чемпионатында күміс медаль алған Бекбауовтың бапкері жанкүйерлерден кешірім сұрады

Ташкентте өтіп жатқан бокстан әлем чемпионатында күміс жүлдегер атанған отандасымыз Дулат Бекбауовтың жеке бапкері Нұрлан Ақұрпеков қазақстандықтардан кешірім сұрады, деп жазады KAZ.NUR.KZ тілшісі.

"Қазақ елі, құрметті жанкүйерлер, енді сенімдеріңізді ақтай алмадық, айыпқа бұйырмаңыздар! Барын салды жігіттер. Енді Санжар Тәшкенбайды алтын жүлдесімен құттықтаймын.

Енді түстен кейінгі ертеңгі бағдарламада шығатын жерлестерімізге, спортшыларымызға шын жүректен сәттілік тілеймін!

Мына жақта да оңай болып жатқан жоқ әрине, жігіттер бірнеше күн осы жеңіс үшін барлық күш-жігерін салуда. Енді бұйырғаны күміс болды, оған да құдайға тәубә дейміз”, - деді бапкер.