Теннистен Қазақстан құрамасының әлем чемпионатындағы қарсыластары анықталды

Лондонда Билли Джин Кинг кубогі (командалық әлем чемпионаты) финалдық кезеңінің жеребесі тартылды, деп жазады KAZ.NUR.KZ тілшісі Қазақстанның теннис федерациясына сілтеме жасап.

Қазақстандық ұрамасы В тобында Билли Джин Кинг кубогін жеті рет ұтқан Аустралия, сондай-ақ Словениямен ойнайды.

Топтан бірінші орын алған команда ғана жарысты жалғастырып, жартылай финалға жолдама алады.

Еске сала кетейік, Қазақстан әйелдер құрамасы биылғы сәуірде іріктеу сатысында Польшаны жеңіп, өз тарихында екінші рет әлем чемпионатына жолдама алған болатын.

Испанияның Севилья қаласында 7-12 қарашада өтетін финалдық додада 12 команда бақ сынайды.