Қазақстанның екінші ракеткасы Юлия Путинцева Ролан Гаррос турнирінің төртінші айналымына шыға алмады. Бұл туралы KAZ.NUR.KZ тілшісі хабарлайды.
Қазақстандық теннисші үшінші айналымда әлемнің 30-ракеткасы, америкалық Слоан Стивенспен шеберлік байқасты.
Тартысты өткен кездесуде 3:6, 6:3, 2:6 есебімен АҚШ өкілі жеңіске жетті. Матч 2 сағат 20 минутқа жалғасты.
Осылайша, Юлия Путинцева Ролан Гаррос турнирінен шығып қалды.
Айта кетейік, Қазақстанның екінші ракеткасы екінші айналымда әлемнің 19-ракеткасы, қытайлық Чжэн Циньвэньмен ойнап, басым түскен еді.
Ал алғашқы кезеңде Путинцева Бельгияның атынан сынға түсіп жүрген түбі украиналық Марина Заневскаядан айласын асырды.
Мақаланың түпнұсқасы: https://kaz.nur.kz/sport/other-sports/2023214-rolan-garros-turniri-putinceva-usinsi-kezende-aqs-tennissisine-ese-ziberdi/
