Қазақстандық теннисші Бейбіт Жұқаев АҚШ-тағы турнирдің финалына шықты

Бейбіт Жұқаев АҚШ-тың Литтл-Рок қаласында өтіп жатқан челленджер турнирінің финалына шықты, деп хабарлайды KAZ.NUR.KZ тілшісі.

Отандық теннисші турнирдің жартылай финалында Аустралия өкілі, әлемнің 288-ракеткасы Адам Уолтонмен шеберлік байқасты.

Үш сетке созылған ойында 6:7, 6:4, 7:6 Бейбіт Жұқаев жеңіске жетті.

Тартысты матч 2 сағат 58 минутқа созылды.

Осылайша, қазақстандық теннисші АҚШ-тың Литтл-Рок қаласында өтіп жатқан челленджер турнирінің финалына жолдама алды.

Жарыстың ақтық мәресі 4 маусым күні түнде өтеді.

Айта кетейік, Бейбіт Жұқаев ширек финалда Қазақстанның тағы бір өкілі Михаил Кукушкиннен басым түскен еді.