![Бейбіт Жұқаев Бейбіт Жұқаев](https://cdn.nur.kz/images/1120x630/b4413ada8182babf.jpeg)
Қазақстандық, әлемнің 325-ракеткасы, 22 жастағы Бейбіт Жұқаев АҚШ-тың Литтл-Рок қаласында өткен челленджер финалында өнер көрсетті. Бұл туралы KAZ.NUR.KZ тілшісі Қазақстанның теннис федерациясына сілтеме жасап хабарлайды.
Отандық теннисші финалда әлемнің 311-ракеткасы, эстониялық Марк Лаялмен бас жүлдені сарапқа салды.
Бірінші партия соңында брейк жасаған эстониялық спортшы басымдылық танытты (6:4).
Екіншісінде есесіне есеп 4:4 болған мезетте Бейбіт брейк жасағанымен, ізінше сетке доп бергенде, өз мүмкіндігін пайдалана алмады. Эстониялық теннисші матчты тағы бір брейкпен тәмамдады ( 7:5).
Осылайша, Бейбіт Жұқаев спорттық жолында алғаш рет челленджер турнирінің финалына дейін жетті.
Айта кетейік, Бейбіт Жұқаев ширек финалда Қазақстанның тағы бір өкілі Михаил Кукушкиннен басым түскен еді.
Мақаланың түпнұсқасы: https://kaz.nur.kz/sport/other-sports/2023369-beibit-zuqaev-aqs-tagy-turnirdin-finalynda-utylyp-qaldy/