Top.Mail.Ru
Спорт

Сайт нұсқасы

ru kz

Зектілері

Қазақстанның екінші ракеткасы Германиядағы турнирді жеңіспен бастады

Опубликовано:

теннис
Тимофей Скатов. Фото: Қазақстанның теннис федерациясы

Қазақстанның екінші, әлемнің 147-ракеткасы Тимофей Скатов Германияның Хайльбронн қаласында өтіп жатқан челленджер турнирін жеңіспен бастады. Бұл туралы KAZ.NUR.KZ тілшісі хабарлайды.

22 жастағы отандық теннисші турнирдің алғашқы айналымында әлемдік рейтингте 174-орында тұрған Босния өкілі Дамир Джумхурмен шеберлік байқасты.

Ойын 7:5, 6:1 есебімен қазақстандықтың пайдасына аяқталды.

Тартысты матч бір сағат қырық минутқа жалғасты.

Осылайша, Тимофей Скатов Германияның Хайльбронн қаласында өтіп жатқан челленджер турнирінің екінші айналымына жолдама алды.

Енді Қазақстанның екінші ракеткасы ширек финалға шығу үшін әлемнің 81-ракеткасы, испаниялық Хауме Муньяр немесе рейтингте 160-сатыдағы боливиялық Уго Дельеннің біреуімен ойнайды.

Мақаланың түпнұсқасы: https://kaz.nur.kz/sport/other-sports/2023487-qazaqstannyn-ekinsi-raketkasy-germaniyadagy-turnirdi-zenispen-bastady/

pixel