Қазақстандық теннисші АҚШ-тағы турнирдің алғашқы айналымында жеңіліп қалды

Қазақстандық Бейбіт Жұқаев АҚШ-тың Тайлер қаласында өтіп жатқан челленджер турнирінің келесі кезеңіне шыға алмады. Бұл туралы KAZ.NUR.KZ тілшісі хабарлайды.

Отандық теннисші турнирдің алғашқы айналымында әлемдік рейтингте 220-орында тұрған Тунис өкілі Азиз Дугазбен шеберлік байқасты.

Тартысты матчта 5:7, 2:6 есебімен туннистік спортшы жеңіске жетті.

Осылайша, Бейбіт Жұқаев АҚШ-тың Тайлер қаласында өтіп жатқан челленджер турнирінің келесі кезеңіне шыға алған жоқ.

Айта кетейік, бұған дейін Михаил Кукушкин мұхиттың арғын жағындағы челленджер турнирінің алғашқы айналымында отандасы Денис Евсеевтен басым түскен еді.

Мәтіннен қате тапсаңыз, бізге жазыңыз