Отандық теннисші Михаил Кукушкин АҚШ-тың Тайлер қаласында өтіп жатқан челленджер турнирінің ширек финалына шықты, деп жазады KAZ.NUR.KZ тілшісі.
Отандық теннисші турнирдің екінші айналымында әлемдік рейтингте 296-орында тұрған Аустралия өкілі Марк Полманспен шеберлік байқасты.
Үш сетке созылған ойында 2:6, 6:4, 6:2 есебімен Михаил Кукушкин жеңіске жетті.
Тартысты өткен матч екі сағат 17 минутқа жалғасты.
Отандық теннисші АҚШ-тың Тайлер қаласында өтіп жатқан челленджер турнирінің ширек финалында әлемнің 256-ракеткасы, жапониялық Юта Шимизумен ойнайды.
Айта кетейік, Михаил Кукушкин турнирдің алғашқы айналымында отандасы Денис Евсеевті ұтты.
Мақаланың түпнұсқасы: https://kaz.nur.kz/sport/other-sports/2023884-otandyq-tennissi-aqs-tagy-turnirdin-sirek-finalyna-syqty/
