Аружан Сағындықова Таиландта өтіп жатқан турнирдің келесі кезеңіне шықты. Бұл туралы KAZ.NUR.KZ тілшісі хабарлайды.
18 жастағы отандық теннисші ITF World Tennis Tour W15 турнирінің ширек финалында Таиланд өкілі Салактип Унмуангпен шеберлік байқасты.
Үш сетке созылған матчта 1:6, 6:2, 7:5 есебімен қазақстандық спортшы жеңіске жетті.
Енді Аружан Сағындықова ақтық мәреге жолдама алу үшін дүниежүзілік рейтингте 726-орында тұрған АҚШ өкілі Даша Ивановамен ойнайды.
Айта кетейік, 18 жастағы Аружан Сағындықова - әлемнің 1162-теннисшісі.
Мақаланың түпнұсқасы: https://kaz.nur.kz/sport/other-sports/2024187-otandyq-tennissi-tailandtagy-turnirdin-zartylai-finalyna-syqty/
