Қазақстандық теннисші Тегерандағы турнирдің жартылай финалына шықты
Опубликовано:
Қазақстандық теннисші Григорий Ломакин Иранда өтіп жатқан турнирдің финалына бір табан жақын қалды.
Sports.kz мәліметінше, отандық теннисші ресейлік Егор Агафоновпен бірге Тегеран қаласындағы "Челленджер" турнирінің жұптық сынында жартылай финалға шыққан.
Олар ширек финалда ресейлік жұп Александр Чепик және Денис Клокпен шеберлік байқасты.
Тартысты матчта 6:3, 7:6 есебімен Григорий Ломакин және Егор Агафонов жұбының мерейі үстем болды.
Енді қазақстандық-ресейлік спортшы финалға жолдама алу үшін Түркия өкілдері Дженгиз Аксу және Гёкберк Саритаспен ойнайды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2025087-qazaqstandyq-tennissi-tegerandagy-turnirdin-zartylai-finalyna-syqty/