Рыбакина күтпеген жерден ұтылып, Берлин турнирінің ширек финалына шыға алмады

Қазақстанның бірінші, әлемнің 3-ракеткасы Елена Рыбакина Берлин WTA 500 турнирінің ширек финалына шыға алмады. Бұл туралы Қазақстанның теннис федерациясы хабарлайды.

Отандық теннисші екінші айналымда әлемнің 23-ракеткасы, хорватиялық Донна Векичпен шеберлік байқасты.

Бірінші партияда тай-брейкте Елена Рыбакина басымдылық танытты - 7:6 (7:1).

Алайда содан кейін хорватиялық спортшы жоғары деңгейде өнер көрсетіп, екі сетте басым болды (6:3, 6:4).

Екі сағат 14 минутқа созылған тартысты бәсеке барысында Елена Рыбакина 15 эйс жасағанымен, 2 брейк-пойнтты мүлт жіберді.

Мәтіннен қате тапсаңыз, бізге жазыңыз