Уимблдон-2023: Елена Рыбакинаның келесі қарсыласы анықталды

Лондонда Уимблдон турнирі жалғасуда. Қазақстандық Елена Рыбакинаның кезекті қарсыласы белгілі болды, деп хабарлайды KAZ.NUR.KZ.

Әлемнің үшінші ракеткасы Рыбакина франциялық Ализе Корнемен кездеседі. Ализе WTA рейтингінде 47-орында тұр.

Ол алғашқы айналымда жапониялық Нао Хибиноны 6:2, 6:2 есебімен ұтты.

Ал Рыбакина бірінші кезеңде америкалық Шелби Роджерстен басым түскен болатын.

Екі теннисші арасындағы кездесу бүгін өткізіледі.

Сондай-ақ бүгін Александр Бублик пен америкалық Джеффри Джон Вольф арасындағы матч жеңімпазы анықталады. Аталған кездесу жаңбырға байланысты бүгінге ауыстырылған.