Уимблдон-2023: Александр Бублик америкалық теннисшіні жеңіп, үшінші айналымға шықты

Уимблдон турнирінің екінші айналымын қазақстандық Александр Бублик сәтті өткізді. Ол америкалық Джеффри Вульфті ұтты, деп хабарлайды KAZ.NUR.KZ.

Кездесудің бірінші партиясында Бублик 6:3 есебімен алға шықты.

Екінші партияда Джеффри 7:6 есебімен таразы басын теңестірді.

Ал шешуші раундта Александр Бублик қарсыласына бір гейм де бермей, 6:0 есебімен ұтты.

Осылайша, қазақстандық теннисші өз мансабында үшінші рет Уимблдон турнирінің үшінші айналымына жолдама алып отыр.

Айта кетелік, бұған дейін Бублик пен Вульф үш рет кездесіп, үшеуінде де америкалық теннисші басым түскен болатын.

Бүгін Уимблдон турниріндегі екінші матсын Елена Рыбакина өткізеді.