Оралдық Мария Бровкова ескек есуден әлем чемпионы атанды. Бұл туралы Спортты дамыту дирекциясына сілтеме жасаған KAZ.NUR.KZ хабарлайды.
Италияның Ауронзо қаласында жасөспірімдер мен жастар арасында байдарка мен каноэде ескек есуден əлем чемпионаты өтіп жатыр. Бүгінге дейін Қазақстан құрамасының 2 өкілі тұғыр биігіне көтерілді.
Əуелі Мария Бровкова 18 жасқа дейінгілер арасындағы С-1 санатында 1000 метрге жарыста алдына жан салған жоқ. Оның уақыт көрсеткіші 4:35.01 секунд. Күміс жүлдені мажарстандық Река Саркани уысына түсірсе, үздік үштікті өзбекстандық Шохсанам Шерзодова түйіндеді.
Осыдан кейін 23 жасқа дейінгі спортшылар сынында Руфина Ысқақова мəре сызығын 2-болып кесті. Ол С-1 санатында 1000 метр жарыста мажарстандық Борька Загывайға ғана жол берді.
Сондай-ақ каноэмен есуден 1500 метрге жарысудан Бровкова әлем чемпионатының күмісін иеленді.
Жалпы биылғы бəсекеге 65 мемлекеттен 938 спортшы жиналды.
Мақаланың түпнұсқасы: https://kaz.nur.kz/sport/other-sports/2027975-18-zastagy-oraldyq-sportsy-qyz-eskek-esuden-alem-cempiony-atandy/
