Жабер есе қайтарды: Елена Рыбакина чемпиондық атағын қорғай алмады

Лондонда өтіп жатқан Уимблдон турнирінің ширек финалында қазақстандық Елена Рыбакина жеңіліп қалды. Ол тунистік теннисшіден ұтылды, деп хабарлайды KAZ.NUR.KZ.

Жартылай финалға жолдама берер матчта Рыбакина әлемнің алтыншы ракеткасы, тунистік Онс Жабермен кездесті. Екі спортшы былтыр Уимблдонның финалында кездесіп, Елена жеңіске жеткен болатын.

Онс Жабер бір жыл бұрын кеткен есесін қайтарды. Ол бүгін Рыбакинаға қарағанда белсенді өнер көрсетті.

Қорытынды есеп - 7:6, 4:6, 1:6.

Осылайша, қазақстандық теннисші чемпиондық атағын қорғай алмады. Рыбакина биыл өтіп жатқан үшінші "Үлкен дулыға" турнирінде жеңіліске ұшырады.

Онс Жабер келесі айналымда Беларусь өкілі Арина Соболенкомен кездеседі.

Мәтіннен қате тапсаңыз, бізге жазыңыз