Отандық теннисші Швециядағы турнирдің ширек финалына шықты

Қазақстанның жұптық сындағы бірінші, әлемнің 53-ракеткасы Александр Недовесов Швецияда өтіп жатқан ATP 250 турнирінің келесі кезеңіне жолдама алды. Бұл туралы KAZ.NUR.KZ тілшісі хабарлайды.

Отандық теннисші эквадорлық Гонсало Эскобармен бірге турнирдің алғашқы кездесуінде корт иелері Лео Борг - Симон Фройндпен шеберлік байқасты.

Тартысты өткен ойында қазақстандық-эквадорлық жұп 6:1, 6:4 есебімен қарсыласынан басым түсті.

Осылайша, Александр Недовесов пен Гонсало Эскобар Швецияда өтіп жатқан ATP 250 турнирінің келесі кезеңіне шықты.

Енді олар жартылай финалға шығу үшін турнирдің 2-ракеткалары, бельгиялықтар Йоран Флиген - Сандер Жилле немесе сербиялықтар Никола Качич - Душан Лайович жұптарының бірімен ойнамақ.