Қазақстанның екінші, әлемнің 60-ракеткасы Юлия Путинцева Венгрияны Будапешт қаласында басталған WTA 250 турнирінің келесі кезеңіне шықты. Бұл туралы KAZ.NUR.KZ тілішсі хабарлайды.
Отандық теннисші турнирдің алғашқы айналымында әлемдік рейтингте 295-орында тұрған Украина өкілі Катерина Володькомен шеберлік байқасты.
Бір сағат елу бес минутқа созылған ойында 1:6, 6:2, 6:1 есебімен Юлия Путинцева қарсыласынан басым түсті.
Осылайша, Қазақстанның екінші ракеткасы Будапешт WTA 250 турнирінің келесі айналымына жолдама алып отыр. Енді Юлия Путинцева ширек финалға шығу үшін әлемнің 88-ракеткасы, америкалық Клэр Льюмен ойнамақ.
Мақаланың түпнұсқасы: https://kaz.nur.kz/sport/other-sports/2029172-qazaqstannyn-ekinsi-raketkasy-eki-sagatqa-sozylgan-matcta-zeniske-zetti/