Қазақстандық спортшылар пара каратэдан Азия чемпионатында 4 медаль жеңіп алды. Бұл туралы Спорт комитетіне сілтеме жасаған KAZ.NUR.KZ хабарлайды.
21-23 шілде аралығында Малайзияның Малакка қаласында пара каратэдан Азия чемпионаты өтті.
Жарысқа 6 мемлекеттен 50 спортшы қатысқан. Азия біріншілігінде Қазақстан тарапынан 5 спортшы қатысып, 2 алтын, 2 күміс медаль жеңіп алды.
Атап айтсақ, Ляззат Жүсіпова, Назгүл Измағамбетовалар жарыстың алтын жүлдесін жеңіп алса, Дидар Мұхамеджанов, Нұржайна Жаннетовалар ел қоржынына қос күміс жүлдені салды.
Ал каратэден Қазақстан ұлттық құрамасы 3 алтын, 4 күміс және 4 қола медальмен жалпы есепте көш бастаған болатын.
Мақаланың түпнұсқасы: https://kaz.nur.kz/sport/other-sports/2029971-arbaga-tanylgan-otandyq-karatesiler-aziya-cempionatynda-atoi-saldy-video/
