Қазақстанның екінші ракеткасы Германиядағы турнирден күтпеген жерден шығып қалды

Қазақстанның екінші, әлемнің 58-ракеткасы Юлия Путинцева Германияның Гамбург қаласында өтіп жатқан турнирдің келесі кезеңіне шыға алмады. Бұл туралы KAZ.NUR.KZ тілшісі хабарлайды.

Отандық теннисші турнирдің екінші кезеңінде әлемдік рейтингте 106-орында тұрған Германия өкілі Юле Нимайермен шеберлік байқасты.

Үш сетке жалғасқан ойында 7:5, 3:6, 1:6 есебімен Юлия Путинцева қарсыласына жол берді.

Еске сала кетейік, бұған дейін қазақстандық үш теннисші Астанада өтіп жатқан Президент кубогы үшін челленджер турнирінің екінші айналымына шыққан болатын.

Мәтіннен қате тапсаңыз, бізге жазыңыз