17-20 тамыз аралағында Иордания астанасы Амман күрестен 20 жасқа дейінгі спортшылар арасында әлем чемпионатын қабылдайды. Аталған сынға Швеция қатыспайтын болды, деп хабарлайды ТАСС агенттігі.
Федерацияның мұндай шешім қабылдауына Швецияда қасиетті Құран кітабының өртелгені себеп болды. Балуандардың қауіпсіздігін сақтау мақсатында басшылық Аммандағы әлемдік сыннан бас тартты.
Енді Швеция құрамасы Румынияда өтетін халықаралық турнирге қатысады.
24 шілде күні әлемдік күрес федерациясы жасөспірімдер арасындағы чемпионатты Польша астанасы Варшавадан Иордания астанасы Амманға ауыстырылған болатын.
Мақаланың түпнұсқасы: https://kaz.nur.kz/sport/other-sports/2030251-sveciyada-quran-ortelgen-son-atalgan-el-sportsylary-alem-cempionatynan-bas-tartty/
