Теннистен президент кубогы: Михаил Кукушкин ширек финалға шықты

Михаил Кукушкин Астанада өтіп жатқан президент кубогы үшін челленджер турнирінің ширек финалына шықты. Бұл туралы Қазақстанның теннис федерациясы хабарлайды.

Әлемнің 229-ракеткасы Кукушкин екінші айналымда дүниежүзілік рейтингте 639-орында тұрған жапониялық Рента Токудамен шеберлік байқасты.

Отандық теннисші матчта 6:1, 6:3 есебімен жеңіске жетті. Ол 7 эйспен бірге 7 брейк-пойнттың бесеуін пайдалана білді.

Енді Михаил Кукушкин жартылай финалға шығу үшін ресейлік Евгений Карловскиймен кездеседі.

Тағы бір қазақстандық Дмитрий Попко ширек финалға шыға алмады. Ол өзбекстандық Хумаюн Сұлтановқа жол берді. Ол есеп 7:6 (7:4), 0:6, 1:2 болған кезде матчты жалғастырудан бас тартты.

Мәтіннен қате тапсаңыз, бізге жазыңыз